Неверојатниот поен меѓу Алкарас и Синер кој го најави пресвртот на Шпанецот (Видео)

Карлос Алкарас и Јаник Синер режираа неверојатен тениски спектакл во Кина, меч кој ги „врза“ пред телевизорите и големите љубители на „белиот спорт“ од Европа.

Двобојот меѓу двајцата најдобри тенисери во светот траеше 3 часа и 20 минути, па иако во финишот се чинеше дека Италијанецот е поблиску до победа, Алкарас беше тој кој се радуваше на крајот.

Синер поведе со 3:0 во тајбрејкот во третиот сет и беше на четири поени од победа, но потоа Карлос освои седум поени во низа и стигна до шеста победа во меѓусебните дуели.

Посебно спектакуларен беше поенот кој го освои за враќање во игра и намалување на 3:2, размена во која извонреден беше и Синер.

Двајцата се бореа како лавови за секоја топка, но Алкарас беше поумешен и на крајот со судни маки го освои поенот на мрежа.

It just keeps getting better! 😱@carlosalcaraz @janniksin #ChinaOpen pic.twitter.com/OkMNJCcS82

— Tennis TV (@TennisTV) October 2, 2024