Неверојатниот Де Варгас ги шокираше „фараоните“, Шпанија со пресврт до полуфинале

Првото четвртфинале на ракометниот турнир во Париз донесе вистинска драма, а за истата се погрижи една селекција која редовно игра во завршниците на најважните натпреварувања.

Шпанија и Египет не можеа да постигнат гол во првите седум минути и тоа беше најчудното отворање на еден нокаут меч во историјата на Олимписките игри, но во продолжение стрелците влегоа во ритам и видовме навистина интензивна игра.

Резултатот на семафорот беше егал се до 8:8, а првиот исчекор го направи Египет кој со серија од 4:0 стигна до поопиплива предност од 12:8 на полувреме.

Ова беше сериозен предизвик за Шпанците пред стартот на вториот дел, во кој иако во добар дел гледавме контрола на „фараоните“, на крајот до израз дојде искуството на Шпанците, но и квалитет на Перез Де Варгас.

Шпанскиот голман се разбуди во вистински момент и направи разлика во клучните моменти, бидејќи дури и во ситуација кога Шпанија се врати во мечот, Египет беше тој кој имаше последен напад за победа.

Сепак, Де Варгас со нова одбрана го спречи налетот и со резултат 25:25 мечот отидде во продолженија, во кои шпанскиот голман повторно беше клучен. Шпанија имаше 29:28 во завршните секунди, а Де Варгас со нова, 17-та одбрана на мечот не дозволи егал за Египет, односно ја однесе Шпанија во полуфиналето и борбата за медали.