Неверојатна интуиција: Најновото видео открива дека Аморим му „асистирал“ на Амад за голот за победа

Манчестер Јунајтед ги израдува своите фанови со големата победа во градското дерби со шампионот Сити, а менаџерот Рубен Аморим во многу подобра атмосфера го подготвува тимот за денешното дерби во Карабао купот со Тотенхем.

Португалецот може да биде задоволен од досегашниот краток период на клупата на „црвените ѓаволи“, а неговата фудбалска интуиција е докажана и со најновото видео кое е објавено од дел од англиските медиуми.

Истото стана вирално поради фактот што на него се гледа како токму Аморим е тој кој му посочува на Лисандро Мартинез да му испрати топка на Амад Диало, за потоа големиот талент на Јунајтед да изработи соло акција за погодок и целосен пресврт на „Итихад“.

Тоа беше и решавачки момент на градското дерби, кое заврши со победа на Јунајтед со резултат 1:2.

Ruben Amorim gave the assist to Lisandro Martinez before he gave the assist to Amad Diallo 🧠✨

A bit of genius from the sidelines in a memorable Manchester Derby win. pic.twitter.com/JdsdDd19T8

— Optus Sport (@OptusSport) December 19, 2024