Неверојатен фото-финиш во финалето на 100 метри: Лајлс ја доби драмата со Томпсон (Видео)

Ноа Лајлс како актуелен светски шампион пристгина на Олимписките игри во Париз, а иако имаше доста голем преидизвик, вечерва успеа да го одбрани приматот на најбрз човек во светот.

Американскиот атлетичар доби сериозен преедизвик во Јамајканецот Кишан Томпсон кој за многумина беше и фаворит за злато, но на крајот во неверојатен фото финиш видовме тесна победа на Лајлс.

Двајцата спринтери ја завршија најкратката делница со исто време (9.79 секунди), но илјадитите делови од секундата беа на страна на Американецот и со мало задоцнување тој беше прогласен за нов олимписки шампион.

Лајлс кој инаку е специјалист на делницата од 200 метри за првпат во кариерата освои златен медал на Олимписки игри, но сега сигурно ќе брка ново злато и на омилената дистанца.

Јамајканецот Томпсон не го криеше разочарувањето од конечниот епилог и на крајот мораше да се задоволи со сребро, додека бронзата во финалето на 100 метри му припадна на Американецот Фред Кирли.

HOLY FINISH NOAH LYLES!!!!! pic.twitter.com/UGCvBFxHp1

— Warren Sharp (@SharpFootball) August 4, 2024