„Нетфликс“ изненади со вирално видео со Тајсон, кое има над 20 милиони прегледи (Видео)

Егибицискиот боксерски дуел меѓу Џејк Пол и Мајк Тајсон заврши со победа на поени за јутјуберот, па стриминг гигантот „Нетфликс“ конечно го комплетираше проектот кој подразбираше организација и пренесување на борбата која се одржа во Тексас.

Голем број корисници на сервисот се жалеа на техничките проблеми за време на стримингот, поради што пропуштиле голем дел од борбата, па очигледно е дека компанијата мора да го подобри овој аспект за некоја следна слична организација.

Но, она што „Нетфликс“ успеа добро да пренесе е едно видео со изјава од Тајсон пред почетокот на борбата. Видеото стана вирално не поради зборовите на боксерската легенда, туку поради тоа што фановите можеа да го видат неговиот гол задник по крајот на изјавата.

Видеото има милионски прегледи и многу коментари, дел фанови критикуваат дека било несоодветно бидејќи го гледале и мали деца, а еден од пошеговитите вели дека стримингот почнал да „кочи“ после овој кадар.

My stream stopped buffering as soon as his butt was shown

— Santa Decides (@SantaDecides) November 16, 2024