Нестварно полувреме во Лондон: Вест Хем и Арсенал режираа спектакл со седум голови (Видео)

Првото полувреме меѓу Вест Хем и Арсенал ќе остане запаметено како едно од најдобрите во историјата на Премиер лигата, од едноставна причина што беа постигнати дури седум гола во период од 50 минути.

Гледајќи во просек, паѓаше по еден гол на натпреварот во Лондон на секои седум минути, со тоа што Арсенал постигна пет, а домаќинот Вест Хем два.

Арсенал поведе со 0:4 со головите на Габриел, Тросар, Одегард и Хаверц до 36-та минута, но потоа „чеканите“ набрзина постигнаа два гола преку Ван Бисака и Емерсон.

Резултат 2:4 гласеше од 40-та минута од натпреварот, а во петтата минута од судиското продолжение на првиот дел, Арсенал доби втор пенал.

Првиот го реализираше Одегард, додека вториот го изведе Сака за неверојатни 2:5 по првиот дел во англиската престолнина.

Головите погледнете ги ТУКА