Нестварен гол во Бразил: Сакаше да изнуди пенал, па го изведе најлудиот лоб во историјата на фудбалот

Во период кога се играат фудбалски натпревари во најсилните лиги во Европа и на Африканскиот куп на нации, очите најмалку се вперени кон Јужна Америка, но токму оттаму ни пристигна најлудиот лоб погодок кој е виден во поновата историја на фудбалот.

Едно видео од натпреварот меѓу Жакупиненсе и Доце Мел стана вирално на социјалните мрежи и пристигна на денот кога ФИФА ја додели „Пушкаш наградата“ за најубаво гол во 2021-ва година, но може слободно да се каже дека ремек-делото на Ерик Ламела не е ниту приближно чудно како голот на играчот Жем.

Фудбалерот на Жакупиненсе постигна несфатлив и чуден лоб погодок кој тешко може да го објасни и физиката, бидејќи негова првична намера беше да изнуди пенал.

Напаѓачот се најде во „сендвич“ со двајца противнички дефанзивци, но топката доби до толку необичен пат, што всушност се претвори во перфектен лоб за гол и победа на Жакупиненсе.

Овој гол веќе има милиони прегледи на социјалните мрежи, но со сигурност никој не може точно да објасни како топката заврши на вистинското место.

Baianão começou do jeito que a gente gosta🤭 pic.twitter.com/uQMB6xOR6w

— Eric Luis Carvalho (@eluiscarvalho) January 15, 2022