Поврзете се со нас

Балкан

Несторовски потпиша нов договор со Славен Белупо: Овде се чувствувам како дома, не ни погледнав…

Објавено

на

foto: nk-slaven-belupo.hr/

Искусниот македонски напаѓач, Илија Несторовски ја продолжи соработката со хрватскиот прволигаш Славен Белупо.

Тој во клубот од Копривница пристигна по епизодата во италијански Асколи и во првиот дел од оваа сезона на осум натпревари во сите конкуренции забележа три погодоци и една асистенција.

-Среќен сум што се договоривме за нова соработка, бидејќи во Копривница се чувствувам како дома. Во клубот владее семејна атмосфера и кога клупските челници ми понудија нов договор, не се двоумев ниту минута. Не ни погледнав што пишува, веднаш потпишав и среќен сум што ќе останам во Копривница барем уште една година откако ќе заврши актуелната сезона.

-Верувам дека со голови и напорна работа на теренот ќе придонесам клубот да дојде до повисока позиција, -порача Иле кој ќе остане во оваа средина најмалку до јуни 2026 година.

Несторовски кариерата ја започна во Победа, па преку Словацко, Жижков, Металург, Интер Запрешиќ, Палермо, Удинезе и Асколи дојде во Славен, состав кој се наоѓа на шестото место на табелата.

Advertisement
Advertisement

Италија

Advertisement

Популарни