Несторовски официјално се врати во Хрватска (Фото)

Илија Несторовски пред девет години беше вистински хит во хрватскиот фудбал и најдобар стрелец во најсилното првенство, па после долго време минато во Италија, популарниот „Несторгол“ се враќа на добро познато место.

Вчерашните шпекулации денека добија официјална потврда, а истата вели дека поранешниот македонски репрезентативец во новата сезона ќе го носи дресот на Славен Белупо.

Несторовски блескаше во Хрватска како член на Интер Запрешиќ и добрите партии му беа виза за трансфер во Италија, каде Иле изминативе сезони настапуваше за Палермо, Удинезе и Асколи.

Славен Белупо вечерва со големо задоволство ја информираше јавноста дека Несторовски пристигнува како големо засилување, а целта сигурно ќе биде да се избегне најлошото.

Тимот почна многу лошо во воведните кола и е последнопласиран со еден освоен бод, па јасно е дека главна цел ќе биде да се опстане во елитата.