Несторовски го постигна првиот гол во дресот на Асколи (ВИДЕО)

Искусниот македонски напаѓач, Илија Несторовски го постигна првиот гол во дресот на Асколи, тим за кој потпиша минатово лето.

Во шестиот меч Несторовски дојде до деби погодокот и тоа во пресметката со Сампдорија. Ветеранот се најде на вистинското место длабоко во судиското продолжение на првиот дел и со удар со глава донесе предност за домашниот тим.

⚽️ 🇮🇹 𝐆𝐎𝐀𝐋 | Ascoli 1-0 Sampdoria | Ilija Nestorovskipic.twitter.com/Oxi4L7uzHk

— FootColic ⚽️ (@FootColic) October 7, 2023

На почетокот на второто полувреме Борини реализираше пенал за 1-1 што се покажа како конечен резултат на оваа пресметка.

Иле кој не доби повик од Благоја Милевски за средбите со Украина и Ерменија беше активен на теренот до 79 минута.

Асколи со 9 бода се наоѓа на 13 место на табелата.