Неста: Интер постигна гол на среќа, преовладува разочарување

Монца беше блиску до огромна победа над Интер и фалеа неколку минути за остварување на таков успех, но на крајот домашните фанови на „Бриантео“ мораа да се задоволат со бод откако Дамфрис погоди за 1:1.

Овој резултат сигурно ќе беше идеален за Монца ако некој ги прашуваше навивачите пред стартот на натпреварот, но со оглед случувањата на теренот, Алесандро Неста призна дека преовладува разочарување.

Неста беше блиску до својата прва победа во Серија А како тренер на еден клуб, но засега ќе мора да се задоволи со уште еден бод, трет од стартот на сезоната во италијанската елита.

– Среќен сум од перформансите на мојот тим, играчите работеа многу напорно и одработија се што се договоривме. Ако ме прашавте пред мечот, ќе потпишев реми против Интер и ќе бев задоволен, но со оглед на тоа како се одвиваа рабоите на теренот, на крајот сум разочаран.

– Моравме да се браниме подлабоко во нашата половина за да ги неутрализираме, но планот беше добар и малку фалеше да ги победиме. Нивниот гол беше малку среќен, топката се одби по центаршутот на Карлос Аугусто. Кога ќе се погледне се, имавме добри перформанси и малку фалеше да победиме. Можеби во иднина ќе бидам и подобар со измените кои ги извршувам, – изјави Неста.