Несреќниот Мегваер си даде автогол, МВП Белингам е класа за себе (Видео)

Додека дел од најпознатите репрезентации од Европа играа квалификации за континенталниот турнир кој се игра наредната година во Германија, имаше и такви кои тестираа поради тоа што беа слободни во ова коло, а таков беше случајот со Шкотска и Англија.

Островското дерби донесе голема борба и пожртвуваност која можеше да се очекува и пред мечот, но главната разлика на теренот ја направи новата голема ѕвезда на Реал Мадрид, Џуд Белингам.

Офанзивниот играч за врска игра во неверојатна форма на стартот на сезоната и маестралните партии од клупски план ги префрли и на репрезентативно ниво, па така изминатава вечер повеќе од оправдано беше избран за играч на мечот.

Белингам учествуваше во акциите за трите гола, успеа да постигне еден погодок и директно да асистира за оној за 3:1 кој го постигна Кејн, па со тоа направи сеирот за Хари Мегваер да биде доста поблаг.

Малерозниот дефанзивец на Јунајтед не може да се соземе дури и во ситуација кога игра за Англија, бидејќи вчера си постигна несреќен автогол и ја врати Шкотска за момент во игра.

Видеата од сите четири гола погледнете ги ТУКА