Несопирливиот Дончиќ си поигруваше со играчите на Орландо (Видео)

Правило кое гласи „нема одбрана за Лука Дончиќ кога е во свој елемент“ на својата кожа го почувствуваа и играчите на Орландо, бидејќи рано утрово словенечкиот суперстар успеа да понуди едно неверојатно прво полувреме во кое практично ги откажа ривалите на гостувањето во „Американ Ерлајн центарот“.

Дончиќ блескаше на паркетот и дури успеа и да биде дозиран во второто полувреме, пред се поради фактот што беше незадржлив и неверојатен во првиот дел.

Словенецот го заврши првото полувреме со 25 поени, 5 скока и 4 асистенции, па буквално го „изрешета“ кошот на гостите од Орландо кои беа и ослабени на овој меч.

По кошаркарската симултанка во воведните 24 минути, Лука имаше време и за одмор во продолжение, но сепак придодаде уште седум поени и мечот го заврши со учинок од 32 поени, 9 скокови и 7 асистенции.

Далас победи на овој меч со 108:85, додека на вториот меч во НБА лигата кој се одигра рано утрово, Њу Орлеанс на домашен терен загуби од Атланта со 111:126.

Luka's 1st half tonight:

💫 25 PTS
💫 5 3PM
💫 5 REB
💫 4 AST pic.twitter.com/YEdgrKmB2C

— NBA (@NBA) November 4, 2024