Несопирливата Бајлс дојде до златен олимписки хет-трик (Видео)

Американката Симон Бајлс веќе некое време се нарекува најдобра гиманстичарка на сите времиња, а таквиот статус и тооа како го потврдува на Олимписките игри во Париз.

Бајлс денеска успеа да стигне и до третото злато на Олимпијадата во Франција, и тоа во дисциплината прескок во која издоминира со својот легендарен скок наречен „Бајлс 2“.

Според техниката на изведување, тоа е најтешкиот скок во женската гимнастика, па откако упеа феноменално да го изведе, стана јасно дека ита кон нов златен медал.

Приземјувањето беше перфектно и тоа и донесе 15,700 поени, за потоа во вториот обид да го комплетира скокот „Ченг“ преку „прескочниот коњ“, што дефинитивно беше доволно за ново злато, вкупно седмо во нејзината олимписка кариера.

Среброто во дисциплината прескок и припадна на Бразилката Ребека Андраде, а на пиедесталот со бронза се најде и Американката Џејд Кери.

The absolute GOAT of all GOATS 🐐
15.7 #SimoneBiles #Olympics pic.twitter.com/2LFeoxCHPV

— Jen 👄👂 (@JenBennX) August 3, 2024