Несигурниот Калулу три пати го менуваше инфото на Инстаграм, фановите му фатија сеир (Фото)

Јувентус вчера го промовираше Пјер Калулу како засилување за новата сезона, а францускиот дефанзивец барем првично доаѓа на заем од редовите на ривалот Милан.

Тренерот Тиаго Мота ќе може да го користи Калулу на различни позиции во одбраната, а доколку Јувентус се одлучи да го откупи неговиот договор, ќе треба да плати вкупна сума од околу 20 милиони евра.

Дефанзивецот ќе го носи дресот со број 15, а разбирливо мораше да направи промена и во својот опис на профилите на социјалните мрежи.

Она што им падна во очи на фановите и предизвика сеир на социјалните мрежи е несигурноста на Калулу во однос на промените кои ги правеше, па очигледно мораше да се коригира по сугестија на клубот на чиј платен список ќе биде оваа сезона.

Калулу првично објави дека е член на Јувентус на заем од Милан, потоа го тргнел само Милан, за на крајот описот да заврши со тоа дека е фудбалер на Јувентус.