Поврзете се со нас

НБА

Неш направи споредба на Џордан, Леброн и Коби и ги рангираше големите ѕвезди

Објавено

на

Стив Неш скоро две децении беше дел од најсилната лига на светот носејќи го дресот на Феникс Санс, Далас Маверикс и Лос Анџелес Лејкерс.

Воедно Неш во овој период можеше да игра заедно или против со три големи имиња кои секогаш се споменуваат во групата на најдобрите на сите времиња-тоа се Мајкл Џордан, Леброн Џејмс и Коби Брајант. Токму поради ова Стив може да направи компарација, споредба со оглед на тоа што сите тројца ги имал за противници во кариерата и добро знае како е да се соочиш со нив, па така за Канаѓанецот број еден е асот на Чикаго Булс.

-Да се игра против него, имаше една работа која ја немаше кон ниту еден друг играч. Постоеше вистински страв да се игра против него, -истакна Неш.

-М-Џеј секогаш е мојот човек. Вие зборувате за Коби и Леброн. Сосема разбирам зошто луѓето го ставаат Леброн таму каде што е тој: или прв или втор на очите на многу луѓе. Кога ќе ја погледнете целата слика на сè што направи Леброн во текот на неговата кариера, тешко е да се расправате. На своето најдобро ниво Коби е таму со нив. Тој летеше, играше најдобро, беше добар-

-Ќе ме слушнете како велам: Џордан, Леброн, Коби во целосната слика. Сите тројца на највисокото ниво, играа на повисоко ниво од сите останати, -заврши плејмејекрот кој двапати беше прогласуван за најкорисен  играч во НБА лигата.

Реклама
Реклама
Реклама

Популарни