Несекојдневен „сендвич“ во 93. минута: Судијата Мансано ја деактивираше контрата на Барса и заврши на земја (Видео)

Барселона на секаков начин се обидуваше да пронајде „дупка“ во одбраната на Бетис и да стигне до втор гол за победа на „Монжуик“, а во такви околности, имаше и низа забелешки за арбитражата на Хил Мансано.

Искусниот арбитар посебно го разлути Рафиња со своите одлуки во самата завршница, но причина за такво нешто добија и навивачите на Барселона, особено поради ситуацијата во 93-та минута.

Во моменти на голема брканица на тереноте, Барселона имаше обид за контра, но истата беше деактивирана после судирот кој навистина ретко се гледа на највисоко фудбалско ниво.

Мансано се најде во „сендвич“ на двајца противнички фудбалери, па така на крајот видовме една несекојднавна ситуација од која дел беа и Гави и Љоренте.

Главниот арбитар се најде на средина и предизвика судир меѓу тројца актери на теренот, а со самото тоа згасна и еден од завршните обиди на Барса да стигне до победа.

Видеото погледнете го ТУКА