Непријатно видео: Фан го снимил колапсот на Бове од првиот ред од трибините

Едоардо Бове мораше да биде враќан во живот од страна на лекарскиот тим и да биде стабилзириан пред да биде префрлен во болница, немили случувања кои направија експресно да дојде до прекина на италијанското дерби во Серија А.

Пресметката меѓу Фиорентина и Интер падна во втор план по 15 минути игра и цела Италија почна да се моли за здравјето на играчот на Фиорентина, кој за среќа успеал да се освести и самостојно да дише при пристигнувањето во болница.

Клубот од Фиренца објави дека Бове е стабилизиран и не добива кислородна поддршка од машина за дишење, а во моментите кога пристигна оваа позитивна вест, на социјалните мрежи се појави и најстрашното видео од немилиот момент.

Телевизиската камера не успеа да го долови падот на Бове поради тоа што во тие моменти се прегледуваше поништениот гол поради офсајд на Лаутаро Мартинез, но тоа успеал да го направи еден фан на Фиорентина.

Навивачот од првите редови успеал да го сними страшниот колапс на Бове, кој во дадениот момент брутално се струполил на земја додека бил опкружен од двајца играчи на Интер.

Предупредување: Вознемирувачкото видео е на следниот ЛИНК