Непријатна сцена во ракометната ЛШ: Данецот Мадсен се струполи во Веспрем (Фото)

Натпреварот од ракометната Лига на шампиони меѓу Веспрем и Спортинг ќе се памети по една застрашувачка сцена пред крајот на првиот дел, во која искусниот дански судија Јеспер Мадсен се струполи на земја во ситуација кога немаше никој блиску до него.

Арбитарот кој остана во лошо сеќавање на македонските навивачи од Вараждин денеска го имаше најнепријатниот момент во својата кариера, па во продолжение неговиот колега мораше сам да го досуди натпреварот.

Мадсен се најде на паркетот и предизвика вистинско бунило и страв на паркетот, но иако успеа брзо да се прибере, сепак протоколите наложија веднаш да биде испратен во најблиската болница.

Данскиот арбитар ја напушти салата и воопшто не се појави во вториот дел, во кој единствен делител на правдата беше Мадс Хансен.

Првичните информации се дека Мадсен бил стабилен и свесен при приемот во болница, па сега ќе мора да подлегне на детални испитувања во Веспрем, пред да се добие зелено светло за враќање на терените.

The Danish referee Jesper Madsen fainted in the match of Veszprém – Sporting in the end of the the first half.

He is fortunately conscious, but has left the arena. Mads Hansen continues as the only referee.#handball pic.twitter.com/XDtrkwMft1

— Rasmus Boysen (@RasmusBoysen92) February 20, 2025

Jesper Madsen, árbitro danés, se ha desplomado sobre la pista en los últimos instantes del 1T del Veszprem-Sporting. Se incorporó pero fué retirado en camilla. Queda como único árbitro su compañero Mads Hansen. Y queda todo el 2ºT. #ehfcl pic.twitter.com/QSbQqNhOxq

— Luis Miguel López (@Luismilopez5) February 20, 2025