Поврзете се со нас

Свет

Непријатен удар за Борусија: Халанд нема да игра до крајот на годината

Објавено

на

blank

Најдобриот голгетер во Лигата на шампионите нема да го гледаме до крајот на групната фаза, откако вечерва пристигнаа информации од Германија и Норвешка дека повредата која ја заработил на последниот тренинг пред вечерашниот дуел со Лацио е од посериозен карактер.

Првиот напаѓач на Борусија Дортмунд не може да им помогне на своите соиграчи вечерва во дуелот со италијанскиот калчолигаш, но како што стојат работите, тоа нема да може да го прави до крајот на оваа календарсна 2020-та година.

Фантастичниот Халанд заработил повреда на задната ложа и првичните информации велат дека станува збор за потешко истегнување, што значи дека младиот Норвежанец ќе му стои на располагање на тренерот Фавр дури на стартот на наредната 2021-ва година.

Ова дефинитивно е сериозен проблем за Борусија во пресрет на крајно згуснатиот распоред во месец декември, период во кој Халанд ќе пропушти вкупно шест натпревари.

Покрај оној против Зенит од последното коло во Лигата на шампионите, Ерлинг нема да игра и против Ајнтрахт, Штутгарт, Вердер, Унион Берлин и Брауншвајг во Купот.

Реклама
Реклама
Реклама

Facebook

Популарни