Непосакувана вест: Милевски остана без една опција пред мечот со Малта (Фото)

Македонската фудбалска репрезентација од неделата ги стартуваше подготовките за првиот квалификациски меч во овој циклус, но вчерашниот тренинг донел и една лоша вест, која денеска беше потврдена од две страни.

Дориан Бабунски играше во фантастична форма во својот клуб и се истакна со неколку погодоци, но добриот период за жал нема да може да го пренесе во репрезентацијата.

Напаѓачот заработил повреда и лекарските прегледи покажале дека ќе мора да мирува, што значи дека тој го пропушта мечот со Малта, а нема да се ризикува ниту против Фарски Острови.

Фудбалерот преку социјалните мрежи им посака среќа на своите соиграчи, а коментар даде и селекторот Милевски на прес-конференцијата.

– Дориан дефинитивно отпадна и нема да настапи утре. Неговата повреда е потврдена од лекарскиот тим и не може да сметаме на него. Останатите играчи се добри и се надевам дека ќе остане така и по денешниот тренинг, – изјави Милевски.