(Не)очекувана одлука на Аморим: Рашфорд во комбинација за настап против Њукасл (ФОТО)

Манчестер Јунајтед е домаќин на Њукасл во последниот меч за оваа календарска година во Премиер лигата, меч пред кој доаѓа интересна вест од таборот на „црвените ѓаволи“, вест поврзана со Маркус Рашфорд.

Имено повремениот англиски репрезентативец се враќа во составот и е во комбинација за настап против Њукасл. Имено Рашфорд иако фит и подготвен беше „избришан“ од менаџерот Рубен Аморим на претходните четири пресметки против Манчестер Сити, Тотенхем, Борнмут и Вулверхемптон.

Тој за овие дуели воопшто не беше на клупата и се некако изгледаше дека е „отпишан“ и оти можеби против Плзен ги одиграл последните минути во дресот на премиерлигашот.

Меѓутоа по се изгледа во изминативе денови нешто се променило, Маркус се докажал пред Аморим да тренинзите и останува да се види дали ќе добие шанса на теренот на „Олд Трафорд“.

Јунајтед има проблеми со повредени и суспендирани играчи, па можеби и тоа е причината за повикот на Рашфорд кој да не заброавиме има договор со клубот до 2028 година.

📋 The team is in!#MUFC || #MUNNEW

— Manchester United (@ManUtd) December 30, 2024