Неочекувана одлука: Мемфис го отпушти тренерот со најмногу победи во нивната историја

Екипата на Мемфис Гризлис одлучи да се раздели со тренерот со најмногу остварени победи во нивната историја-тоа е Тејлор Џенкинс.

Ова е последната вест која доаѓа од НБА лигата, вест која е навистина неочекувана затоа што Мемфис е тим високо позициониран на Западот (петти), тим кој има учинок 44-29 на девет натпревари до крајот на регуларниот дел на натпреварувачката 2024/2025.

Тејлор од сезоната 2019-20 ги предводеше Гризлис, сезоната во која Џа Морант го доби признанието за дебитант на годината.

Џенкинс во ноември стана стратегот со најмногу остварени триумфи како предводник на Мемфис, состав кој трипати го одведе во плејофот во претходните сезони. Ова за 40-годишниот стратег беше прво искуство како главен тренер во НБА, претходно работеше како асистент во Атланта Хокс и Милвоки Бакс.