Поврзете се со нас

Свет

Неочекуван проблем ја одложи саботната фешта во Истанбул во чест на Мората

Објавено

на

Foto:x.com/acmilan

Алваро Мората го договори трансферот во Галатасарај и веќе позираше со спортскиот директор на турскиот клуб, па иако за оваа саботна вечер беше планирана фешта во Истанбул, истата мора да биде одложена.

Шпанскиот напаѓач беше планирано вечерва да отпатува од Италија за Турција и да има бомбастичен пречек од страствените турски фанови, но како што јавуваат угледните медиуми, најавените 30 илјади навивачи ќе мора да почекаат.

Имено, летот на Мората од Милано за Истанбул бил одложен поради лошите временски услови и присуството на магла, па истиот е презакажан за најрано во недела наутро.

Тоа значи дека Мората и навивачите на Галатасарај ќе мора да почекаат за својата прва средба, која во најмала рака се очекува да биде спектакуларна.

Турците се познати како големи фанатици кои секогаш им приредуваат топол пречек на големите ѕвезди, а актуелниот европски шампион дефинитивно го оправдува таквиот статус.

Милан пред само шест месеци му плати 13 милиони евра на Атлетико за да го добие капитенот на шпанската репрезентација, но после пола година како член на „росонерите“, Алваро е подготвен за своето прво фудбалско искуство подалеку од Шпанија, Италија и Англија

Advertisement
Advertisement

Италија

Advertisement

Популарни