Нено и компанија со убедлива партија им се вратија на победите во ВТБ лигата (ВИДЕО)

Уникс Казан на Ненад Димитријевиќ на најдобар можен начин им се врати на победите во ВТБ лигата и тоа со убедливо славје на гостувањето кај МБА Москва со 94-63.

Нено и компанија се посрамотија во претходната рунда против Локомотив Кубан, па сега сакаа со убедлив настап да порачаат дека тоа било само лош ден, цел која ја постигнаа ако се земе се земе во предвид крајниот резултатот, славјето од 31 разлика.

Македонецот имаше скромен настап и уфрли 4 поени со 3 скока, 2 асистенции и 2 украдени топки. Лабери со 19 беше најрасположен играч, Мејкон реализираше 18, а Браун 17 кошеви. Кај поразените најзабележителен беше Воронов со 14 кошеви.

Уникс во следното кола ја дочекува ЦСКА Москва што значи одново ќе имаме македонски дуел со оглед на тоа што Емил Рајковиќ ги води „армејците“.