Нема предавање: МЗТ Скопје ја шокираше Цедевита Олимпија во АБА лигата

Кошаркарите на МЗТ Скопје забележаа голема победа во АБА лигата и тоа против една од најквалитетните екипи-Цедевита Олимпија.

Цедевита Олимпија заедно со Будуќност и белградските гиганти Црвена Звезда и Партизан се најмоќните екипи во ова натпреварување, но тоа мора да го потврдат на теренот со тоа што вечерва македонскиот првак успеа да го нокаутира составот од Љубљана со резултат 79-74,

Ова за „штрковите“ е огромен триумф во борбата за опстанот, прв во оваа календарска година, триумф кој ќе ја крене атмосферата пред решавчкиот битки во регионалното натпреварување. Тимот од Аеродром имаше квалитетна второа четвртина со која избори предност од 41-35 на полувреме, предност која потоа јја одржуваше и сосема заслужено запиша славје за задоволсство на сите присутни во СЦ „Јане Сандански“.

Кук со 26 поени беше прв стрелец, Стојановски уфрли 18, а Кефи 14 кошеви.

Кај поразените Адамс беше автор на 15 поени.

Во наредното коло МЗТ му гостува на Морнар.