Нема многу да тагува по нокаутот, Мекгрегор заработи многу повеќе од Поирие по вчерашната борба

Светот на спортот денеска најмногу зборува за УФЦ борбата помеѓу Конор Мекгрегор и Дастин Поирие одржана во Абу Даби.

Американецот го нокаутираше контроверзниот Мекгрегор и имаше голема причина за славење по вчерашниот натпревар, но според бројките на заработени пари, Конор воопшто нема да очајува по оваа борба.

Имено Мекгрегор кој важи за еден од најмаркантните спортски личности заработи огромни пет милиони долари по вчерашната борба со што значително ги зголеми своите приходи.

За разлика од него, победникот на средбата, Дастин Поирие си замина побогат за „само“ еден милион долари, што е за четири милиони помалку од тоа што го освои ирскиот фајтер. Интересно е тоа што ова за Американецот е најпрофитабилната борба досега во кариерата, додека Конор заработувал и далеку повеќе од пет милиони долари по борба.