Нема крај на проблемите за Пиоли, двајца клучни играчи позитивни на Ковид-19

Тренерот на Милан, Стефано Пиоли,  кој засега одлично си ја врши работата, се соочува со нови проблеми во креирањето на составот за следните натпревари.

Од таборот на актуелниотлидер во Серија А потврдија дека двајца клучни играчи на тимот се заразлие со коронавирусоти на нив нема да може да се смета во следниот период.

Станува збор за Тео Ернандез и Хакан Чалханоглу кои добиле позитивни тестови во петокот кога сите играчи биле на задолжителното тестирање.

– Милан објавува дека Хакан Чалханоглу и Тео Ернандез добија позитивни тестови на коронавирусот. Останатите играчи и членови на стручниот штаб се негативни.

– И двајцата се асимптоматски случаи и веднаш ќе бидат ставени во карантин во своите домови. Сите други играчи и стручниот штаб ќе продолжат и ќе се држат до протоколите, -стои во соопштението од клубот.

Милан во недела гостува на „Сардегна Арена“ кај Калјари, а Пиоли ќе може да смета и на новото засилување од Торино,  Меите.