Нема крај на повредите: Барселона загуби уште еден клучен играч за „Ел Класико“

Барселона вчера киксна на гостувањето во Андалузија и одигра 2:2 против Гранада, или поточно се спасуваше од пораз откако одигра очајно лошо во првите 30 минути.

Каталонскиот гигант губеше со 2:0 и успеа да израмни на 2:2, па иако постигна гол за победа, истиот беше поништен поради офсајд на Феран Торес во една доста проблематична ситуација.

На крајот, Чави мораше да се помири со освоениот бод и истакна дека е разочаран од конечниот исход, но уште поразочаран ќе биде попладенво откако ги слушнал вестите за Жул Кунде.

Французинот вчера побара измена уште во првото полувреме и излезе од игра, а денеска пристигна информација дека го истегнал страничниот лигамент на коленото и ќе мора да паузира најмалку еден месец.

Тоа значи дека Французинот со сигурност го пропушта „Ел Класико“ дербито кое се игра на 28-ми октомври, на кое тешко дека ќе настапи и Френки Де Јонг и Роберт Левандовски. Планот на Барса во претстојните две недели ќе биде да ги залечи повредите на Педри и Рафиња, па тренерот Чави да има повеќе избор во нападот за дуелот со „кралевите“.

Дополнително, Барса објави дека мала мускулна повреда заработил и Ламине Јамал, но првичните прогнози се дека младото крило нема да отсуствува долго од тренинзите.

MEDICAL NEWS | Tests carried out have shown that first team player Jules Kounde has a left MCL sprain. He is out and his recovery will determine his availability. pic.twitter.com/1MDDeEhu8T

— FC Barcelona (@FCBarcelona) October 9, 2023