Нема крај на фрустрирачката сезона: Клучен дефанзивец на Гвардиола направи операција на стапалото (Фото)

Пеп Гвардиола ја има најлошата сезона како менаџер на Манчестер Сити и постои голема опасност истата да заврши без освоен трофеј, нешто што е резултат на падот во играта кај неколку играчи, но и големиот број повредени ѕвезди кои пропуштија важен дел од сезоната.

Малерот кој го затера англискиот шампион од стартот на шампионатот продолжува и на средина на сезоната, бидејќи сега на подолг временски рок одново ќе го нема Натан Аке.

Стоперот одигра само 18 натпревари оваа сезона поради разноразни здравствени проблеми, но најновата вест е дека фрустрирачката сезона ја затвора со операција на стапалото.

Со цел да реши проблем кој го прати подолго време, Холанѓанецот решил да направи оперативен зафата, па огромна е веројатноста дека нема да заигра до крајот на сезоната.

– Ова беше навистина фрустрирачка сезона за мене, но сега направив успешна операција на фрактура на стапалото кое ми правеше проблем со месеци, па сега позитивно гледам на иднината! Треба да одморам и да се опоравам, се гледаме наскоро, ви благодарам за поддршката, – им порача Аке на навивачите на Сити.

Nathan Ake has undergone successful surgery on a fracture in his left foot.

Read more ⤵️

— Manchester City (@ManCity) March 4, 2025

View this post on Instagram

A post shared by Nathan Ake (@nathanake)