Нејмар со една објава предизвика речиси три милиони реакции за 60 минути (Видео)

Нејмар минатата недела се раздели со Ал Хилал и стави крај на својата катастрофална епизода во Саудиска Арабија на фудбалски план, па откако предвреме го раскина договорот, беше јасно дека неговата следна етапа во кариерата е враќање во матичниот клуб.

Претседателот на Сантош веќе со денови наназад го најавува враќањето на големиот фудбалски мајстор, кој по цели 12 години се враќа на местото на каде ја стекна светската слава.

Нејмар со емотивно видео на социјалните мрежи потврди дека се враќа во Сантош, па пред свеченоста на која утре ќе стави потпис на договорот, реши да се огласи во улога на наратор.

– Момци, се чувствувам како да се враќам во времето. Собран сум тука со пријателите и со семејството. Сите ми помогнавте да напишам некои работи во мојата кариера.

– Едвај го чекам утрешниот ден, моето семејство и пријателите веќе ја знаат мојата одлука: Ќе потпишам договор со Сантош! Се чини дека мојата врска со клубот и со фановите никогаш не се промени, – порачува Нејмар.

Оваа негова објава беше споделена пред еден час, а во период од 60 минути успеа да собере повеќе од три милиони реакции и лајкови.

View this post on Instagram

A post shared by Neymar Jr (@neymarjr)