Нејмар по новата повреда: Докторите ме предупредија

Нејмар имаше долга пауза од терените и се врати после една година, а стартот после таков процес секогаш е многу тежок и за најврвните професионалци.

Бразилскиот фудбалер вчера заигра на втор меч откако се врати во тренажен процес, но за жал издржа само 30 минути на натпреварот против Естеглал.

Иако влезе во вториот дел, Нејмар се пожали на повреда на задната ложа во самиот финиш и веднаш побара измена, по што сега ќе следат нови прегледи на задната ложа.

Некогашниот бразилски капитен навистина нема среќа со повредите подолго време, но сега не очајува поради фактот што добил низа предупредувања од докторите за вакво сценарио по тешката повреда на коленото.

– Почувствував како мускулот да ми попушта. Ќе направм прегледи и се надевам дека нема да биде сериозно. После една година неиграње, ова е нормално. Докторите ме предупредија дека може да дојде до ова. Морам да бидам внимателен и постепено да добивам минути после толку долга пауза, – изјавил Нејмар по победата на Ал Хилал од 3:0.