Нејмар користи технологија на НАСА за побрзо санирање на повредата

Нејмар нема да игра на натпреварите од групната фаза на Светското првенство, но Бразил има потреба од него во нокаут фазата доколку сака да стигне до посакуваната цел.

Првата ѕвезда на „кариоките“ го повреди зглобот на дуелот со Србија, а „Марка“ откри дека користи технологија на НАСА за брза рехабилитација.

Нејмар го лечи зглобот со специјални физиотерапевтски сесии со асистенција на специјална компресирана обувка креирана од НАСА.

Специјалната обувка помага за побрзо елиминирање на отокот и болката, го подобрува крвотокот, а Бразилците се надеваат дека ќе влијае позитивно и во процесот на рехабилитација на Нејмар.

Бразил без него денеска се соочува со Швајцарија, а во третото коло ќе игра против Јапонија.