Нејмар ќе почека за камбек во националниот тим, неговото место му припадна на играч на Реал

Враќањето и добрите игри во дресот на Сантош, донесоа и повик во националниот тим за Нејмар, но големата ѕвезда на бразилскиот фудбал ќе почека за камбек во репрезентацијата.

Лекарскиот тим на „селесао“ потврдил минорна мускулна повреда кај Нејмар и тој ќе одмара во периодот за квалификациските натпревари, додека неговото место му припадна на Ендрик од Реал Мадрид.

Од националниот тим отпадна и голманот на Манчестер Сити, Едерсон, исто како и дефанзивецот Данило, кој од неодамна е член на Фламенго.

Голманот на Лион, Лукас Пери ќе го менува Едерсон, додека на местото на Данило е повикан неговиот соиграч во Јувентус и сега во Фламенго, Алекс Сандро.

Селекторот Доривал ги потврдил замените, а бразилската репрезентација е пред сериозни испити, бидејќи во овој циклус се среќава со Колумбија и Аргентина.