Нејмар ќе го чини ПСЖ неверојатни 600 милиони евра

Трансферот на Нејмар од Барселона во ПСЖ беше тежок 222 милиони евра, што и натаму а рекорд на фудбалската сцена, но таа сума е отприлика третина од тоа што францускиот клуб ќе го потроши за Бразилецот.

Анализата на „Мундо Депортиво“ вели дека до крајот на сезоната 2022/23, ПСЖ ќе потроши нешто над 489 милиони евра или речиси половина милијарда, а во таа сума се вклучени платата и бонусите предвидени за Бразилецот.

Годишната плата на Нејмар изнесува 43,3 милиони евра, а според првичниот договор, ако Бразилецот го одработи целиот петгодишен договор, тогаш шестата сезона ќе има право на годишна плата од 50 милиони евра.

Откако во меѓувреме Нејмар го продолжи договорот до 2025 година, а шпанскиот медиум претпоставува дека тоа значи годишна плата во рамките на претходната бонус-шеста година, што е уште еден неверојатен податок за примањата на напаѓачот.

Тоа значи дека ако Нејмар остане во ПСЖ до 2025 година, францускиот клуб ќе потроши над 600 милиони евра само за овој фудбалер.