Недвед: Мурињо ме бараше во Интер, ама…

Павел Недвед испуштил можност да биде дел од славниот тим на Интер од сезоната 2009-2010 кога под водство на Жозе Мурињо беше освоено тројната круна.

Имено сегашниот потпретседател на Јувентус обелодени дека Мурињо го убедувал во 2009 година да не оди во пензија и да му се приклучи во Интер, но љубовта на Чехот кон „старата дама“ била преголема за да тој замине кај големиот ривал.

-Жозе знаеше дека страшно ме привлекува перспективата на Лигата на шампионите, затоа што никогаш ја немав освоено, ама неговиот план не успеа. Не можевме да бидеме компатибилни. Јас би го следел во кој било клуб во светот, но не и во Интер. Јас навистина не можев тоа да го сторам, -обелодени Павел за „Тутоспорт“.

Поради оваа своја одлука Недвед остана без титула во ЛШ, но без разлика на тоа тој имаше извонредна кариера со успеси (титули) во Лацио, Јувентус и Спарта Прага.