Недвед добил примамлива понуда за враќање на фудбалската сцена

Павел Недвед целосно се повлече од фудбалот по напуштањето на директорската функција во Јувентус, а светските медиуми најавуваат негово потенцијално враќање и тоа надвор од Европа.

Легендарниот чешки фудбалер добил финансиски, но и спортски примамлива понуда од клубот Ал Шабаб од Саудиска Арабија, кој има идеја да го промовира во нов извршен директор.

Ал Шабаб неодамна ангажираше нов тренер, откако Фатих Терим го замени Витор Переира и тоа поради одлуката на Португалецот да се пресели на клупата на премиерлигашот Вулверхемптон.

Недвед се уште размислувал за понудата која би му овозможила нов интересен предизвик, но и проект да го приближи Ал Шабаб до екипите кои во моментов доминираат во првенството на Саудиска Арабија.

Недвед беше потпретседател на Јувентус цели седум години, но замина во пакет со поранешниот претседател Андреа Ањели.