Недовиќ за болниот пораз од Партизан: Игравме кукавички!

Црвена Звезда важеше за фаворит во евролигашкото дерби со градскиот ривал Партизан, но не само што го загуби вчерашниот натпревар, туку дозволи доминација на „црно-белите“ кои имаа целосна контрола врз резултатот.

Навивачите не беа задоволни од настапот на своите миленици во преполната „Арена“, а во тој стил коментирал и Немања Недовиќ, кој има големо искуство кога се работи за пресметките на белградските ривали.

– Сè што можеше, денеска тргна наопаку. Не знам поради што, од првата минута изгледавме како да сме испаничени или под некаква тензија. Како да се изгубивме малку во оваа атмосфера, го почувствувавме притисокот дека мора да победиме.

– Ова ни се случува првпат во сезоната, на секој друг натпревар имавме шанси до крајот. Денеска Партизан ја контролираше играта во текот на сите 40 минути.

– Тие одиграа одлично, им честитам за тоа. Мораме да разговараме за ова, не смее да ни се случува вакво нешто пред нашите навивачи. Игравме, да не звучи грдо, ама кукавички. Бевме пасивни, чекавме некој да се појави кој ќе не стартува, но тој не се појави, бевме пасивни и изгубени, навистина ми беше чудно, рекол Недовиќ.