Не останаа рамнодушни ниту во ВИП ложата: Реакцијата на Белингам по бравурата на Модриќ (Видео)

Џуд Белингам почна да ја отслужува својата казна за црвениот картон добие против Осасуна, па така вчера не беше во комбинација за настап против Џирона.

Англискиот репрезентативец беше со својата девојка во ВИП ложата и од идеално место го следеше натпреварот на своите соиграчи, кои после три меча без триумф, ја запишаа првата победа во Ла Лига.

Лука Модриќ ги најави трите бода со мајсторија од далечина и маестралниот Хрват дефинитивно го украде шоуто со својот удар, кој направи да видиме и една интересна и искрена реакција на Белингам.

Џуд не остана рамнодушен на спектакуларниот гол на Лука и стана на нозе како секој нормален фан на Реал, а неговата реакција стана и вирален хит.

Во продолжение, победата за Реал ја потврди Винисиус Жуниор, па „кралевите“ успеаја да се вратат на делба на првото место со Барселона.

View this post on Instagram

A post shared by Futboldelisi79 (@futbldelisi79)