Не најде место за Меси: Иниеста ги наброја своите пет омилени фудбалери и направи големо изненадување (Видео)

Андрес Иниеста замина во фудбалска пензија и сега има повеќе слободно време за разноразни активности, а популарниот Дон Андрес сега привлече внимание поради едно видео кое се шири на социјалните мрежи.

Легендарниот играч за врска според многумина е најдобар шпански фудбалер на сите времиња, па како играч со таков статус, сега доби за задача да ги бира своите омилени пет фудбалери.

Човекот кој и ја донесе историската светска титула на Шпанија на прво место го стави својот идол Лаудруп, продолжи со две легенди на Барселона, Гвардиола и Чави, додека изборот го заврши со Давид Силва и Санти Касорла, играчите со кои ја делеше соблекуваната во Шпанија.

Покрај Иниеста, во истата анкета беше вклучен и Давид Силва, а легендата на Манчестер Сити имаше пошаренолик избор, во кој ги смести и Меси и Роналдо.

Покрај нив двајца, во петте најдобри ги смести и Лаудруп, Иниеста и Кун Агуеро.

@ofmanny Top 5 of all time with Andres Iniesta, David Silva and more ⚽️ who makes yours? #football #foryou #fyp ♬ original sound – Manny