Не мрда од Минхен: Ветеранот Нојер добива нов договор од Баерн

Мануел Нојер е на добар да ја продолжи соработката со германскиот великан Баерн Минхен, клуб чиј член е од 2011 година кога пристигна од редовите на Шалке 04.

Нојер во март ќе го прослави 39 роденден, но тоа како и послабата форма не е проблем за управата на „баварците“ која според последните информации се договорила со голманот за нов договор според кој ќе остане на „Алијанц Арена“ до 2026 година, односно недостасува само потпис и официјална потврда преку клупските гласила.

Ова воедно значи дека Александер Нибел сигурно не се враќа во Баерн наредната сезона, односно ќе продолжи да го чува голот на Штутгарт каде официјално е позајмен до 2026 година.

Само за потсетување Мануел во моментов е во „аут“ поради скршеница на реброто која ја заработи во Куп дуелот со Баер Леверкузен.