Не греши во финалните битки: Осака ја реши Брејди и ја освои титулата во Мелбурн

Јапонската тенисерка, Наоми Осака е победничка на првиот грен слем во 2021 година Австралија Опен.

Во големото финале во Мелбурн, Осака ја реши Џенифер Брејди од САД со 2-0 во сетови. Средбата траеше скоро час и половина, период во кој Наоми покажа дека е многу подобра, поквалитетна од Американката во овој момент и со 6-4 и 6-3 дојде до трофејот на престижниот турнир.

Ова за Осака е втора титула во Австралија, вкупно четврта на грен слем сцената со тоа што останатите два се во Њујорк на Ју-Ес Опен во 2018 и 2020 година.

Инаку Јапонката е прва тенисерка по Моника Селеш која успеала да слави во првите четири финални дуели на најголемите турнири во светот на белиот спорт.

𝒯𝒽𝒶𝓉 𝓂𝑜𝓂𝑒𝓃𝓉.

When @naomiosaka became our 2021 Women’s Singles champion 🏆#AO2021 | #AusOpen pic.twitter.com/Id3ZZhaJHh

— #AusOpen (@AustralianOpen) February 20, 2021