Лига Европа

Не е само Жозе: Навивачите на Рома физички го нападнале Тејлор на аеродромот во Будимпешта

Објавено

на

1 јуни, 2023

Од

Жозе Мурињо за првпат во кариерата загуби во едно европско финале и не услеа да освои уште еден трофеј со Рома, клуб на кој минатата сезона и го донесе првото големо славје надвор од Италија.

Португалскиот стручњак славеше во Конференциската лига, но овојпат не успеа да победи во Лига Европа откако Севилја се покажа како поуспешна во пенал рулетот на „Пушкаш Арената“.

Рома загуби на пенали и не успеа во намерата да ги израдува своите навивачи, кои пак се единствените кои го делат ставот со својот тренер.

Мурињо по натпреварот се пожали што не добил поддршка од никој во клубот во протестите кон судијата Ентони Тејлор, кој не досуди пенал за Рома по едно играње со рака во шеснаесетникот на Шпанците.

Поради ова, Португалецот го бркаше Тејлор на паркингот на стадионот и му велеше дека направил голем срам, но тоа не било единственото непријатно искуство за англискиот судија во Будимпешта.

На заминување кон Англија, бил начекан од разбеснети фанови на Рома на аеродромот, каде морало да интервенира и обезбедувањето и полицијата за Тејлор и неговото семејство да дојдат до сигурна зона.