Не е само Осимен: Ал Ахли ќе ангажира двајца супер напаѓачи во ист ден

Раководството на Ал Ахли дефинитивно потврдува дека екипата ќе има поголеми амбиции во новата сезона и ќе се обиде да се замеша во битката за титулата во првенството на Саудиска Арабија.

Откако италијанските медиуми објавија дека Виктор Осимен ја прифатил понудата на Ал Ахли, од Англија стигна вест дека во овој клуб заминува и Ајван Тони.

Напаѓачот на Брентфорд и англиската репрезентација не беше во составот на својот тим од почетокот на сезоната и беше јасно дека премиерлигашот сака добро да заработи една година пред истекот на договорот, а на крајот Тони се одлучил да ја напушти Европа.

Најавите се дека се за овој трансфер ќе бидат исплатени 42 милиони евра, сума која очигледно е прифатена од Брентфорд, а Тони ќе добие плата која дефинитивно му е недостижна во европските клубови.

Тандемот Осимен-Тони сигурно ќе го подигне нивото на Ал Ахли, со напомена дека за Нигериецот ќе бидат платени повисоки 80 милиони евра плус бонуси.

Во претходниот период, Ал Ахли веќе обезбеди играчи како Марез, Менди, Демирал, Кеси и Фирмино.