Поврзете се со нас

Германија

Не е чудно зошто си замина од Ливерпул: Мане ќе биде меѓу најплатените играчи во Баерн (ФОТО)

Објавено

на

Садио Мане се реши за драстична промена во кариерата и по осум минати години во Англија во Саутемптон и Ливерпул го напушти островот и се пресели во германскиот великан Баерн Минхен.

Бундеслигашот за овој трансфер ќе издвои околу 40 милиони евра (со бонуси), а Мане ќе остане на „Алијанц Арена“ најмалку три години. Африканецот порача дека едноставно му бил потребен нов предизвик, а истиот многу добро ќе го наплати или поточно имал повеќе од добар мотив да го прифати повикот од Минхен.

Сенегалецот ќе заработи околу 60 милиони евра во наредните три сезони со што ќе биде меѓу најплатените играчи во Баерн. Тој годинишно ќе „собере“ околу 20 милини евра што е многу повеќе од она што го заработуваше во Ливерпул каде добиваше плата од нешто повеќе од 12 милиони евра.

Во моментов Роберт Левандовски со 23 милиони евра е прв на списокот во таборот на баварците по што освен споменатиот Мане следуваат Мануел Нојер, Томас Милер и Лерој Сане.

Реклама
Реклама
Реклама

Популарни