НБА лудило: Играчите на Јута славеа продолжение, Јанг ги „поздрави“ со тројка од пола терен (Видео)

Пресметката меѓу Јута и Атланта беше убедливо најнеизвесна во НБА лигата рано утрово, а доказ за тоа се и последните два шута на натпреварот кој заврши во полза на гостите.

Секстон со тројка на три секунди пред крајот израмни на 121:121 и ги израдува сите присутни во салата, но кога многумина сметаа дека тоа носи продолжение од пет минути на возбудливиот меч, следеше мајсторија на Тре Јанг.

Ѕвездата на Атланта ја зема топката во свои раце и без големо размислување биеше од својата половина, но не само што го направи тоа, туку успеа и да погоди на величествен начин.

Јанг ги „поздрави“ џезерите со тројката од половина терен и го реши прашањето околу победникот, потег со кој само ја круниса својата извонредна партија.

Последната тројка му го донесе 24-от поен на Јанг на оваа средба, на која успеа да запише и неверојатни 20 асистенции.

TRAE YOUNG GAME-WINNER FROM HALF-COURT 😱 😱

WHAT AN ENDING IN UTAH 🤯 pic.twitter.com/AbVyAzmvxA

— SportsCenter (@SportsCenter) January 8, 2025