НБА хит: Циркузантската тројка на Дончиќ „од паркинг“ со звукот на сирената (Видео)

Далас успеа да слави во Канада и да го победи Торонто со 118:125, пред се благодарение на својот ударен двоец кој беше расположен за игра.

Лука Дончиќ и Кајри Ирвинг извонредно се надополнуваа и постигнаа дури 59 поени, од кои 30 беа на Словенецот, а 29 на американскиот плејмејкер.

Дончиќ го заврши мечот и со трипл-дабл учинот благодарение на 13 скокови и 11 асистенции, но хајлајт на натпреварот е неверојатната тројка која ја погоди.

Лука често знае да ги импресионира фановите со своите трик удари за време на загревањата, меѓутоа сега такво нешто приреди на официјален меч.

На крајот на втората четвртина, Дончиќ со циркузантски обид успеа да погоди тројка „од паркинг“ со звукот на сирената, а овој негов погодок стана вирален хит во Америка.

LUKA DONCIC AT THE BUZZER.

pic.twitter.com/rmGO5SVOfi

— Hoop Central (@TheHoopCentral) December 8, 2024