Навивачите на Барселона вечерва јасно ставија до знаење кого повеќе не сакаат во клубот

Навивачите на Барселона вечерва од трибините на стадионот Монжуик јасно порачаа дека повеќе не го сакаат претседателот Жоан Лапорта во клубот.

Жоан Лапорта имаше големо ветување по неговото враќање како предводник на Барселона. Сепак, годините минуваат, а клубот се уште е во иста состојба и со огромни финансиски проблеми.

Лапорта сепак ветува многу. Најинтересно е што не сака да признае дека Барса не е толку моќна на пазарот, па неодамна „порача“-

“Ние сме најуспешниот тим во светот на спортот. Секако дека ќе купиме играч доколку ни треба. Сепак, нашата филозофија е да откриваме и развиваме млади таленти”, изјави Лапорта.

Претседателот на каталонскиот клуб е убеден дека најголемиот ривал Реал Мадрид е виновен за маките на неговиот тим и дека поради Кралевите не можат да одат во „зелената гранка“.

„Реал Мадрид игра валкано против нас. Тие се оние кои се фаворизирани од судиите. Сакам Барса да ја освои Лигата на шампионите и да победи апсолутно на секој натпревар. Не би зборувал многу за тоа дека Реал го донесе Мбапе, верувам повеќе во нашата филозофија за создавање таленти во Ла Масија“.

Сепак, на навивачите на Барселона им е доста од приказната на Лапорта. Тоа јасно го покажаа на вечерашниот натпревар против Атлетик Билбао.

Од трибините на Монжуик јасно се слушаше: „Барса да, Лапорта не“…