Навивач на Волвс прогласен за виновен поради расистички навреди на сметка на Рио Фердинанд

Џејми Арнолд наскоро ќе ја дознае казната одредена од судот поради расистичките навреди упатени на сметка на Рио Фердинанд и тоа за време на натпреварот меѓу Вулверхемптон и Манчестер Јунајтед во мај 2021 година.

Поранешниот англиски репрезентативец бил на стадионот како стручен коментатор, 33-годишниот Арнолд бил уловен од камерите и виден од повеќе сведоци додека го реализирал својот расистички испад, за што денеска е прогласен за виновен.

Судскиот процес инволвирал сведоци бидејќи навивачот на Волвс го негирал делото, а Рио Фердинанд исто така активно учествувал во рочиштата по кои е потврдена вината на Арнолд.

Дека обвинетиот не може да се пофали со начинот на кој се однесувал на стадионите, покажува и фактот што веќе има заработено забрана за пристап во период од три години поради хомофобични испади и други навредливи испади.

Судот ќе ја одреди казната на 8. декември.

 

View this post on Instagram

 

A post shared by Rio Ferdinand OBE (@rioferdy5)