Македонија
Наумче Мојсоски најави законско решение за поранешните и сегашните спортисти да добијат право на пензиски стаж, пензиско осигурување и пензија
Поранешниот ракометен ас, а денес директор на Агенцијата за млади и спорт, Наумче Мојсовски, одржа прес-конференција на која информираше за отпочнувањето на процесот за утврдување на законско решение за поранешните и сегашните спортисти да добијат право на пензиски стаж, пензиско осигурување и пензија.
Мојсовски од прес-центарот во Владата најави формирање на работна група што ќе ги најде најдобрите модели, за потоа со законска измена да се стигне до трајно и системско решение.
На овој начин времето коешто спортистите го поминале професионално ангажирани од спортски клуб би требало да им биде додадено, поточно, тоа време, тие години, да им бидат впишани во пензискиот стаж, во моментот кога ќе ги исполнат законските критериуми и старосната граница за заминување во пензија, најави Мојсоски.
– Ми претставува особена чест што денеска имам можност да го најавам исправувањето на една децениска неправда кон спортистите и спортистките во нашата држава. Со нивниот придонес, влог, со нивната пожртвуваност, многу од нив и како наши најголеми амбасадори, репрезентативци нѐ задолжиле сите нас ја задолжиле државата која гордо ја претставувале во Европа и светот. За спортистите и спортските работници, кои се занимаваат и се занимавале со професионален спорт, екипен или индивидуален, од независноста, па се до денеска, немаше конкретно системско решение, со коешто се регулира законски статусот за нивниот професионален ангажман, во делот што се однесува на здравствено, социјално, пензиско и инвалидско осигурување. Тоа значи дека вложениот труд, потрошеното време и учинокот на секој спортист, по заминувањето во спортска пензија, па до исполнување на старосната возраст за исполнување на правото за пензија, до денеска, не добиле вредност, како секој друг работник кој работи во различни дејности,- рече директорот на АМС кој имаше 20 годишна кариера и самиот потврди дека нема ниту еден ден стаж.
Остварувањето на спортска пензија за поранешните спортисти и спортистки е само првиот сегмент од исполнувањето на владините мерки во однос на трудовите и социјалните политики во спортот. Следен сегмент е поддршката за регулирање, односно субвенционирање на придонесите на сегашните спортисти и спортистки процес којшто ќе отпочне во вториот квартал од годинава и ќе тече паралелно со тој за спортските пензии.
Целото ображање на Наумче Мојсоски може да се проследи во следното видео.
-
Лига на шампионипред 21 час
Провокаторот Мбапе предизвикал тепачка во тунелот на „Монжуик“ (ВИДЕО)
-
Лига на шампионипред 22 часа
Родри: Имаше само еден тим на теренот, но…
-
Шпанијапред 17 часа
Араухо: Подобро да не кажувам што мислам за изјавата на Гундоган!
-
Лига на шампионипред 16 часа
Херојот на Баерн се пофали со пласманот во полуфинале, Крос го истрола пред двете пресметки со Реал (Фото)
-
Лига на шампионипред 22 часа
Дали навивачите на Сити му пресудија на својот тим? Моментот кој влијаеше во пенал серијата (ВИДЕО)
-
ВТАпред 23 часа
Ѓорческа запрена во осминафиналето во Копер
-
Лига на шампионипред 13 часа
Подвижниот екран го стресе Карагер, Анри се згази од смеење (Видео)
-
Конференциска лигапред 12 часа
Мартинез доби два жолти картони, но не беше исклучен поради правило кое малкумина го знаат (Видео)